Diogjen Kolici është Drejtori Ekzekutiv i Veliera. Ai është 26 vjeç dhe ka studiuar Arkitekturë në Universitetin Politeknik të Tiranës. Pas drejtimit të një sërë iniciativash qytetare, në 2019 ai vendosi të marrë një rol aktiv në politikë dhe u zgjodh anëtar i Këshillit Bashkiak në qytetin e tij të lindjes Kurbin. Që nga korriku 2021 Diogjen ka mbajtur pozicionin e Delegatit të Rinisë Shqiptare në Kombet e Bashkuara.
Frenkli Prengaj është anëtar i bordit në Veliera. Ai ka përfunduar studimet e tij master në Inxhinieri Gjeo-Mjedisore. Ai filloi aktivizmin e tij në 2014, fillimisht në forumin e rinisë së Partisë së Lirisë, dhe më pas duke u angazhuar në çështjet e studentëve. Ai ka punuar si menaxher projekti në REC Albania, ku është certifikuar si "Lider i Klimës" nga ish-nënpresidenti i SHBA, Al Gore. Frenkli luan një rol aktiv edhe në organizata të tjera rinore, si oficer partneriteti për EDYN Albania dhe si anëtar bordi i Akademisë Verore "Arbën Xhaferri".
Ermelinda Dida ka lindur në Tiranë dhe ka përfunduar studimet në Administrim dhe Politika Sociale në Universitetin e Tiranës. Ajo është angazhuar për 5 vjet në organizata jofitimprurëse me fokus në përshtatjen dhe përmirësimin e performancës së grupeve të margjinalizuara në sistemin arsimor dhe trajnimin e të rinjve drejt fuqizimit ekonomik. Aktualisht është e punësuar në departamentin e Burimeve Njerëzore të një kompanie marketingu. Ermelinda ka një moto: Nëse heq dorë nga ëndrrat e tua, çfarë mbetet?
Marsela është studente në vitin e katërt në Fakultetin e Drejtësisë, Universiteti i Tiranës. Ajo ka filluar angazhimin e saj rinor dhe qytetar 6 vjet më parë, fillimisht në Qendrën për të Drejtat e Fëmijëve në Shqipëri (CRCA), ku ishte një nga bashkëthemelueset e Parlamentit Rinor të Tiranës. Marsela ishte pjesë e grupit të ekspertëve të Laboratorit Rinor të Ballkanit Perëndimor, një projekt i mbështetur nga Këshilli i Bashkëpunimit Rajonal. Për më tepër, ajo ka punuar si koordinatore projekti në Institutin e Studimeve Sociale dhe Humanitare, dhe aktualisht mban pozicionin e Presidentes në Rrjetin Kombëtar Rinor Shqiptar (ANYN).
Ana Gjidiaj eshte anetare e Bordit ne Institutin Veliera. Ajo po ndjek studimet e saj Bachelor ne Finance, Fakulteti i Ekonomise, Universiteti i Tiranes, dhe ka filluar angazhimin e saj politik qe nga viti 2016 ne Partine e Lirise, ku eshte anetare e Kryesise se Levizjes Rinore per Integrim. Si anetare e Rrjetit Rinor te Demokracise Evropiane (EDYN), Ana mban pozicionin e ambasadores per Shqiperine dhe anetare e Komitetit te Komunikimit te EDYN.
Hermes Kafexhiu është anëtar i Bordit të Institutit "Veliera". Ai ka lindur dhe ka jetuar në Berat deri në përfundimin e shkollës së mesme. Për më tepër, Hermes ka përfunduar studimet në Universitetin Evropian të Tiranës me një diplomë bachelor në Marrëdhënie me Publikun dhe nga Fakulteti i Historisë dhe Filologjisë me një diplomë bachelor në Letërsi Shqipe. Për vite me radhë ai është angazhuar si aktivist rinor në forume studentore dhe politike. Aktualisht punon si gazetar dhe reporter terreni për një emision të përditshëm në Top-Channel.